Да 500-годдзя беларускага кнігадрукавання ў Гомельскім ліцеі будаўнікоў адбыўся шэраг мерапрыемстваў, прысвечаных Дню пісьменства і Міжнароднаму дню адукаванасці, які адзначаецца 8 верасня і заснаваны Арганізацыяй Аб´яднаных Нацый па пытаннях адукацыі, навукі і культуры.

5 верасня выкладчыкам гісторыі Кавалёвым Мікалаем Васільевічам было падрыхтавана мерапрыемства медыяпраект  “500 год гісторыі беларускага кнігадрукавання”, якое прайшло ў актавай зале для навучэнцаў ліцэя. 

6 верасня ў ліцэі адбылася творчая сустрэча з гомельскім  драматургам Васілём Ткачовым і з пісьменніцай Раісай Васільеўнай Дзійкун.

3 верасня ў Полацку на Дне беларускага пісьменства адбылася цырымонія ўзнагароджання лаўрэатаў нацыянальнай літаратурнай прэміі за 2017 год. Узнагароду за лепшы твор драматургіі атрымаў Васіль Ткачоў са зборнікам п´ес «Характары», пра які і расказаў маладым чытачам. Васіль Юр´евіч з´яўляецца членам Саюза пісьменнікаў і Саюза тэатральных дзеячаў Беларусі. З Гомельскім ліцэем будаўнікоў яго звязвае доўгае і плённае супрацоўніцтва, бо тут вучыўся сын пісьменніка. Васіль Юр´евіч заўжды жаданы госць і ён неаднаразова праводзіў творчыя сустрэчы і літаратурныя мерапрыемствы для нашых навучэнцаў. 

8 верасня з нагоды святкавання 500-годдзя беларускага кнігадрукавання выкладчыца беларускай мовы і літаратуры Казлова Іна Рыгораўна разам з рабятамі 2 курса здзейсніла падарожжа-віктарыну «Напісанае застаецца». Мэтай мерапрыемства з´явілася пашырэнне ведаў навучэнцаў пра развіццё беларускага пісьменства і культуры. Такое “падарожжа” выклікае цікавасць да культурна-гістарычнай спадчыны беларусаў; стварае ўмовы для актывізацыі пазнавальнай дзейнасці рабят, фарміруе іх культуру маўлення; развівае творчыя здольнасці; садзейнічае выхаванню грамадзянскасці, пачуцця патрыятызму, гонару за Радзіму, павагі і любові да роднай мовы.