2 верасня 2022 года ў ліцэі для навучэнцаў 2-га курса прайшло выхаваўчае мерапрыемства «Славянскага слова ўзорная нітка…», прымеркаванае да XXIX Дня беларускага пісьменства. Выкладчык Казлова Іна Рыгораўна паведаміла ўдзельнікам мерапрыемства, што ў гэтым годзе Дзень беларускага пісьменства пройдзе 3 і 4 верасня ў горадзе Добрушы Гомельскай вобласці, вядомым з XVI стагоддзя. У ім былі заснаваныя першыя ў Беларусі папяровая фабрыка (1870) і фарфоравы завод, а знакамітым прадстаўніком Добрушскага края з¢яўляецца класік нацыянальнай літаратуры – пісьменнік, сцэнарыст і драматург Іван Шамякін.

Мерапрыемства ў форме падарожжа ў часе дазволіла звярнуцца да гістарычнай і культурнай спадчыны нашай краіны, прыгадаць імёны Францыска Скарыны, Сымона Буднага, Васíля Ця́пінскага і Міко́лы Гусо́ўскага, Ефрасінні Полацкай, Кірылы Тураўскага, тых, хто зрабіў усё, каб беларускае слова жыло ў вяках, бо духоўнай каштоўнасцю кожнага народа з’яўляецца яго родная мова.

Выкладчык адзначыла, што сёлета мы адзначаем 140-годдзе з дня нараджэння нашых слынных класікаў нацыянальнай літаратуры Янкі Купалы і Якуба Коласа. А ўдзельнікі мерапрыемства прачыталі вершы славутых песняроў: “О край родны, край прыгожы!” і “Спадчына”.

Іна Рыгораўна прачытала свой верш, прысвечаны матчынай мове.

Мая родная мова

У свеце шмат моў існуе,

І кожны народ сваёй ганарыцца.

Мілая сэрцу і родная мне,

Якая з часоў Скарыны іскрыцца.

І колькі б ні ганьбілі мову маю,

Яна для мяне святая спрадвеку.

У ёй адчуваю Радзіму сваю,

Блакітнасць азёр і шыр палеткаў.

Ад продкаў засталася ў спадчыну нам

Пявучая, звонкая, родная мова.

Няхай узнясецца насустрач вятрам

Адвечнае, моцнае, беларускае слова!